Тренерот на Барселона, Ханси Флик, беше задоволен од победата на тимот над Осасуна (3:0) во одложениот натпревар од 27. коло на Ла Лига. Каталонците се лидери во поредокот со 63 бода.
„Патот е долг. Сега уживаме во добри времиња, но имаме уште многу натпревари пред нас. Дани Олмо е повреден. Во следните две недели веројатно нема да можам да сметам на него. Многу сум горд на играчите. Денот не беше најдобар и плативме висока цена за оваа победа со повредата на Олмо”, прокоментира тренерот на Барса.
Под водство на германскиот специјалист Барса има 33 победи од 44 одиграни натпревари. Ова изнесува 75%, а само Луис Енрике забележал поголем успех кај тренерите со најмалку 10 натпревари на кормилото на каталонскиот гигант – 76,24%.
