Управниот одбор на англиски Лидс Јунајтед денеска имал состанок на кој разговарал за иднината на менаџерот Даниел Фарке. Одлука за негово разрешување би можела да се донесе доколку тимот ги загуби претстојните натпревари против Челзи и Ливерпул, објави „Гардијан“.
Тимот претрпе четири последователни порази во англиската Премиер лига. Нивниот вкупен неодамнешен скор е исто така неповолен, откако загубија пет од претходните шест натпревари.
Лидс моментално е на 18-то место на табелата во Премиер лигата, со 11 бода од 13 лигашки натпревари. И покрај тешката ситуација, во клубот постои одредена симпатија кон германскиот менаџер. Некои функционери на Лидс веруваат дека моменталните резултати не секогаш ги одразуваат позитивните перформанси што тимот ги покажа на некои натпревари.
