Утре од 21 часот на „Сантијаго Бербаеу“ во Мадрид, “кралевите“ ќе го дочекаат Арсенал во реванш меч од 1/4 финалето во ЛШ. Познато е дека Реал на оваа средба влегува со негатива од три гола, во Лондон беше 3:0 за Арсенал.
Во пресрет на утрешниот меч, денеска на пресот свој коментар имаше страегот на “кралевите“ Карло Анчелоти кој напомена дека верува дека може да се мине оваа пречка и покрај тоа што Арсенал има голема, огромна предност.
„Поддршката од фановите во минатото ни помогна да направиме пресврти на неколку меча кога сите мислеа дека тоа е невозможно. Убеден сум дека и утре таа поддршка ќе биде тука. Имаме ресурси, квалитет, искуство, не заборавајте дека и “Бернавеу“ си има своја посебна магија. Сите знаат дека на овој стадион атмосферата е посебна. Искрено не подготвуваме ништо посебно, ќе се обидеме да одиграме интензивен натпревар. Мислам дека наш брз гол нема да биде пресуден. Се разбира, тоа ќе биде важно, но најважно е да ја имаме контролата врз играта. Кога го имаш тоа тогаш во секој момент можеш да постигнеш гол или голови“ рече покрај другото стратегот на “кралевите“.
