Пред нас се нови четири натпревари од кои секако очекуваме повторно добар фудбал со многу голови. Бразил игра со Хаити и е на поправен, САД во случај на победа и официјално се во нокаут – фазата, останува да се види што може Турција против Парагвај.
По неочекуваното реми 1-1 против Мароко во првиот натпревар, тимот на Карло Анчелоти е под императив за победа и подобрување на гол-разликата за да се врати на вистинскиот пат. Бразилците се апсолутни фаворити, а историјата е целосно на нивна страна, откако ги добија сите три претходни дуели со вкупна гол-разлика од 22-2. Анчелоти најави тактички промени по бледото прво полувреме против Мароко, па се очекува Фабињо да влезе во средниот ред наместо Касемиро, додека Куња би можел да го предводи нападот. Нејмар и овој меч ќе го прескокне.
Во второто коло од Групата Д на СП домаќинот САД и Австралија ќе се соочат на „Лумен Филд“ откако двата тима забележаа победи на почетокот од турнирот. Американците, предводени од Маурицио Покетино, импресионираа во првото коло, победувајќи го Парагвај со убедливи 4-1, со брилијантна изведба на двојниот стрелец Фоларин Балогун. Од друга страна, Австралија ја изненади Турција со победа од 2-0, покажувајќи исклучителна дефанзивна дисциплина и ефикасност.
Најголемата загриженост за САД е малата повреда на капитенот Пулишиќ, но се очекува тој да биде подготвен, додека Рејна, кој е во одлична форма, е подготвен да го замени. Австралијанците немаат проблеми со отсуствата и ќе се обидат да го неутрализираат нападот на домаќините со солиден низок блок. Се очекува неизвесен натпревар во кој Американците ќе се обидат да ја пробијат густата одбрана за да обезбедат место во нокаут фазата.
ДВОЈКИ ЗА ДЕНЕСКА
ГРУПА Д
СИЕТЛ – 21.00 Ч
САД – Австралија
ГРУПА Ц
ФОКСБОРО – 00.00 Ч
Шкотска – Мароко
ГРУПА Ц
ФИЛАДЕЛФИЈА – 02.30 Ч
Бразил – Хаити
ГРУПА Д
САНТА КЛАРА – 05.00 Ч
Турција – Парагвај
