Челзи без големи проблеми се пласираше во осминафиналето на ФА Купот откако вечерва како гостин славеше кај Хал Сити со 4:0. „Сините“ успеаја да поведат со голот на Педро Нето на пет минути пред крајот на првото полувреме, а веќе во вториот дел комплетно го разбија противникот.
Со својот втор гол во 50-тата минута, Педро Нето зголеми на 2:0, а потоа следуваа и погодоците на Естевао и третиот гол на Нето за конечни 4:0.
Пласман во осминафиналето оствари и второлигашот Рексам, кој успеа со 1:0 на домашен терен да го совлада Ипсвич. Интересно, велшкиот состав по пауза од скоро 30 години ќе има шанса повторно да дојде до четвртфиналето на најстарото фудбалско натпреварување, што е досега и најголем успех на клубот.
