Борусија (Д) започна преговори со Нико Ковач за нов договор. Како што објави весникот „Билд“, тековниот договор на хрватскиот стратег истекува во летото 2027 година, а Борусија сака да го продолжи до 2028 година.
Тоа е практика што Борусија сака да ја следи, зa тренерот да не влегува во сезона, а неговиот договор да истекува на крајот од неа. Ова докажува дека челниците на клубот од Дортмунд се задоволни од перформансите на Ковач и сакаат тој да ги води уште најмалку две сезони.
Очигледно и Ковач ја дели оваа желба и ќе остане во Борусија, иако беше споменуван во контекст на англиските гиганти Челзи, Тотенхем и Манчестер Јунајтед.
Ковач ја презеде Борусија во февруари 2025 година и на вкупно 70 натпревари, оствари 41 победиа, одигра 13 нерешени и загуби само на 16 натпревари.
