Германски „Билд“ денеска пишува дека Франк Рибери по завршувањето на сезоната сака да се врати во Бундеслигата.

Поранешната sвезда на Баерн Минхен дојде во Фиорентина пред две години и неговиот договор со тимот истекува на крајот на сезоната. Имаше гласини во врска со негово можно враќање во Германија или преселба во Монца.

Сепак, според Билд, приоритет на Рибери е да се врати во Бундеслигата, каде Ајнтрахт Франкфурт покажа интерес за него.

„Во моментов размислувам само за Фиорентина, важен сум за тимот, но, не ја исклучувам можноста за враќање во Бундеслигата кога ќе завршам тука“.

 

sportmedia.mk