Барселона по пауза од неколку кола повторно се врати на лидерската позиција во Ла Лига. Каталонската гордост го искористија вчерашниот пораз на Реал од Осасуна и со победа над Леванте дома со резултат од 3:0 во натпреварот од 25-то коло од првенството, изби на врвот на табелата со бод повеќе од „кралскиот“ клуб.
На избраниците на тренерот Ханси Флик им беа потребни само четири минути за да поведат. По долга акција од корнерот, топката дојде на левата страна до Ерик Гарсија, а тој испрати центаршут по земја директно до трчачкиот Марко Бернал, кој се лизна и ја смести топката во мрежата на Леванте.
Каталонците успеаја да го удвојат водството во 32-та минута. Акцијата што ја започна Ламин Јамал од десната страна продолжи на спротивната страна кога топката дојде до Жоао Кансело, Португалецот центрира и го пронајде Френки де Јонг како трча во противничкиот шеснаесетник, кој постигна гол за Барса.
Сите дилеми во врска со прашањето за победникот беа отстранети девет минути пред крајот. Фермин Лопез шутираше од далечина и постигна ефектен гол со кој го потврди триумфот на домашниот тим.
sportmedia.mk
© Vecer.mk, правата за текстот се на редакцијата
