Арсенал го победи Барнли со 1-0 на „Емирати“ во 37-то коло од Премиер-лигата и се приближи на чекор до освојување на англиската шампионска титула. „Топџиите“ би можеле да го завршат 22-годишното чекање за титулата вечерва доколку Манчестер Сити не го победи Борнмут.
Решавачкиот момент се случи во 37-та минута. Букајо Сака изведе корнер, а Каи Хаверц се крена и ја испрати топката со глава во мрежата за водство од 1-0, што на крајот се покажа како конечен резултат.
„Топџиите“ сега се на врвот на табелата со 82 бода, пет повеќе од Манчестер Сити. Доколку тимот од Манчестер не успее да го победи Борнмут вечерва во 20:30 часот, Арсенал ќе ја прослави својата прва титула во лигата по повеќе од 20 години.
Доколку „граѓаните“ победат, Арсенал ќе треба да победи на гостински терен кај Кристал Палас во последното коло за да ја обезбеди титулата.
