Реал Бетис ја победи Севиља со 2:0 на гостински терен во големото дерби на Андалузија и покажа кој е моментално главен во градот. Момците на Мануел Пелегрини му одржаа фудбалска лекција на својот голем ривал на „Рамон Санчез Писхуан“ и на крајот ги однесоа бодовите.
Во 54-тата минута Пабло Форналс ја искористи големата грешка на Батиста Менди и ја затресе мрежата на Влаходимос за 0:1. Мечот беше запечатен со голот на Серхи Алтимир 14 минути подоцна, со што на стадионот завладеа целосен молк.
Во финишот, резервниот играч Исак Ромеро го загуби трпението поради неизбежниот пораз, и заработи директен црвен картон, а неколку минути потоа настана целосен хаос.
Прво, капитенот на гостите, Марк Бартра, ги провоцираше навивачите на лутиот противник, а неколку минути подоцна и Натан го стори истото. Различни предмети почнаа да летаат од трибините, што беше доволно за судијата да го прекине натпреварот во 88-та минута. Паузата траеше речиси половина час, а преостанатите осум минути се одиграа без многу возбудувања.
