Реал Мадрид го запиша првиот пораз во новата сезона во Ла Лига, откако на гостувањето кај градскиот ривал беше поразен со 3-1 во меч од шестото коло. Со овој пораз, „кралевите“ паднаа на третото место.
Карло Анчелоти по мечот потенцира дека неговиот тим одиграл лошо, тој го посочи и Лука Модриќ кого го замени веќе на полувремето.
„Го започнавме мечот слабо, не бевме одлучни. Кога Атлетико поведе, го покажа најдоброто од својата игра. Хоселу не играше затоа што сакавме да добиеме предност во средниот ред. Бевме кревки во одбраната, тимот не беше компактен, особено во првото полувреме. Трите примени гола беа слични, нема да издвојам ничии мани и изгледа премногу неправедно да се издвои само Модриќ. Тој не играше баш најдобро, а не играа ниту останатите соиграчи. Лично, можевме подобро.
Секако, кога тимот не го прави она што јас го сакам, тоа е моја одговорност, но не грижете се – имам многу широки раменици, тоа не е проблем. Најмалку што можам да направам е да преземам одговорност. Овој пораз може да биде наша можност да ја подобриме нашата игра“, изјави Анчелоти, цитиран од весникот „Марка“.
