Како да тргнаа работите во Манчестер Јунајтед. Тимот на Рубен Аморим е во победничка серија, па затоа по 9.коло во Премиер-лигата, Јунајтед е на 6.место со 16 бодови и тоа пред Ливерпул кој е седми со бод помалку.
Во пресрет на денешниот меч со Нотингем Форест, стратегот на Јунајтед, Рубен Аморим имаше свој коментар:
“Видете, воопшто не ме интересира дали сме пред Ливерпул. Јас сакам да победувам на секој меч и на крајот да бидеме шампиони, да завршам на врвот на табелата“ посочи Португалецот.
За играњето во Европа тој искоментира:
“Играњето во Европа е клучно за давање шанса и минутажа на сите играчи, посебно на младите. На пример Меино за да ги добие минутите кои што ги заслужува, му требаат повеќе натпревари за да можам да ротирам“.
