Очигледно дека тимот на Манчестер Јунајтед мака мачи да се ослободи од играчите кои на стартот на летото дефинитивно беа отпишани и им беше кажано дека можат да си побараат нова средина.
Тоа пред се беа Санчо, Гарначо, Антони и Тајлер Маласија. Сериозни играчи со огромни договори кои очигледно дека имаат тежок проблем да пронајдат нова средина, пред се поради платата.
Е сега, како минува летото, во таборот на Јунајтед очигледно дека омекнуваат на оваа тема, па менаџерот Рубен Аморим, преку изјава едноставно им пораде рака на четворицата отпишани.
„Некои играчи треба да најдат ново место за да имаат повеќе шанси да се појават во тимот. Други јасно ни покажуваат дека сакаат нов предизвик во нови клубови. Ние едноставно им даваме време да размислат и да одлучат. Ако стигнеме до точка каде што треба да се приклучат на тимот, тие ќе се приклучат затоа што се наши играчи“, рече Аморим.
