Новиот тренер на Реал (М), Чаби Алонсо изјави дека му треба време да ги имплементира своите идеи во Реал Мадрид.
Мадридскиот тим ремизираше со Ал-Хилал (1:1) во натпреварот од Светското клупско првенство, што беше и деби за новиот предводник на „кралевите“.
„Знаев дека ќе биде потребно време. Има работи што треба да се променат. Треба да ги поправиме – ќе продолжиме да го правиме тоа. Потребно е време. Имавме девет дена за подготовка, а некои играчи имаа само три тренинзи. Не е толку едноставно, но ние сме на турнирот и сакаме да учиме. Она што сакаме да го направиме ќе потрае“, рече главниот тренер на Реал Мадрид.
