Историската ноќ во Далас, во која Аргентина ја победи Австрија со резултат од 2:0 и обезбеди пласман во осминафиналето на Светското првенство, донесе моменти кои одат подалеку од самиот фудбал. Додека Лионел Меси пишуваше нови страници од историјата на теренот, една многу посебна навивачка го привлече вниманието на светската јавност и телевизиските камери.
На самиот крај од натпреварот, во моментите кога „гаучосите“ го приближуваа натпреварот кон победа, режисерот на преносот забележа една симпатична стогодишна баба како гордо стои во сино-белиот дрес на Аргентина.
Она што дополнително ги допре срцата на милиони гледачи низ целиот свет беше нејзиниот рачно напишан транспарент на англиски јазик што го држеше цврсто пред себе, на кој пишуваше: „100-годишна навивачка на Меси“.
Une fan de Messi âgée de 100 ans est présente en tribunes 🥹🇦🇷 pic.twitter.com/rJXBUvoW1Q
— Vibes Foot (@VibesFoot) June 22, 2026
