logo
logo
logo

Професорот Јанкуловски за протестите

Ситуација која сме ја виделе, а ја гледаме и во Србија, ПРЕКУ ТРАГЕДИЈА СЕ ТРУДАТ ПОЛИТИЧКИ ДА ОСТВАРАТ БЕНЕФИЦИЈА

Vecer | 04.04.2025

Ситуација која сме ја виделе, а ја гледаме и во Србија, ПРЕКУ ТРАГЕДИЈА СЕ ТРУДАТ ПОЛИТИЧКИ ДА ОСТВАРАТ БЕНЕФИЦИЈА

Не знам дали протестите ќе продолжат, меѓутоа е жално што повторно се манипулира со човечка трагедија која однесе 59 животи. Нормално е дека луѓето чувствуваат гнев, разочарување, тага, нормално е тоа некаде да се канализира.

Ова во „НАТКАСТ“  со Љупчо Цветановски, го изјави Звонимир Јанкулоски, универзитетски професор, колумнист и поранешен амбасадор.

-Тоа што понатаму следеше е нешто што е веќе видено. Дежаву ситуација која веќе сме ја виделе и во Македонија и во моментов ја гледаме во соседна Србија. Тоа што беше фатено во разговорите на Зум платформата само потврди дека некој се обидува да изрази некоја таканаречена револуција во Македонија, а нема никаква причина за тоа. Според начинот на кој власта реагираше во контекст на менаџирањето и на кризата и на трагедијата, како и на она што значи утврдување на вина за тоа што се случи во Кочани, навистина не гледам причина зошто некој на таа несреќа да гради, во краен случај, политика, рече тој.

Јанкулоски оцени дека протестите повеќе наликуваа на политика отколку на изразување на незадоволство од страна на граѓаните.

-Забележав дека се појавија лица кои се декларираат како патриоти, а не си ги знаат основните навионални празници во Македонија. Не мора да покажуваат дека патриотизмот не им личи, навистина не им личи. Се работи за луѓе кои се обидуваат политички да остварат некоја бенефиција врз основа на трагедија. Тоа се случи и во Шарената револуција, навестував во колумни дека е можно тоа од Србија да се прелее во Македонија, рече тој.

© Vecer.mk, правата за текстот се на редакцијата

TailoredCV
logo

Vecer.mk е прв македонски информативен портал, основан во 2004 година.

2004-2025 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2025. Vecer.mk