Жестоки реакции предизвика огласот на Универзитетската клиника за Гинекологија и акушерство во Скопје, каде што е наведено дека се бараат лекари со албанска етничка припадност.

Во огласот за вработување на здравствени работници на неопределено време се вели дека ГАК има потреба од двајца доктори на специјализација по гинекологија и акушерство, еден од турска и еден до албанска националност, двајца специјализанти по педијатрија од албанска националност и специјализанти по анестезија и интензивна медицина каде што се бараат Ром и Албанец.

„Не е битно дали е професионален и стручен лекар, туку да е Албанец, Турчин, Ром… Добро, луѓе, дали сте нормални?“, прашува д-р Ненад Лазаров во реакција на Фејсбук.

Тој тврди дека ваков преседан не постои во медицинскиот свет.

„Каква врска има националност со гинекологијата и акушерството?“, прашува тој.

Конкурсот е распишан врз основа на Законот за вработени во јавниот сектор. Министерот за здравство Фатмир Меџити вели дека пред објавување на конкурсот огласот, тој се одобрува од Управниот одбор на клиниката и дека Законот го предвидува тоа, но знаењето и искуството имаат поервенмствено значење.

И премиерот Димитар Ковачевски изјави дека законот е таков, иако етничката припадност според него не може да биде професија.

Според претседателката на Уставниот суд, Добрила Кацарска, неуставни и незаконски се сите огласи за вработувања во јавната администрација во кои се бара кандидатите да бидат припадници на соодветна националност, пишува <a href="https://a1on.mk/macedonia/makedonci-ne-smeat-da-se-prijavat-na-oglas-za-lekari-vo-gak-za-medzhiti-i-kovachevski-se-e-zakonski/">А1он</a>. 

Кацарска смета дека ваквите огласи се противуставни.

Фото: Илустрација профи

Па дали е тоа НОРМАЛНО? СЕ БАРА АЛБАНЕЦ ИЛИ ТУРЧИН ЗА ГИНЕКОЛОГ