Во СВР Скопје вчера претпладнето 82-годишна жена од Скопје пријавила дека била измамена од едно лице за сума од околу 170.000 денари.
Според пријавеното, лицето ја контактирало телефонски, се претставило како полициски службеник и ѝ кажало дека нејзината внука предизвикала сообраќајна несреќа во која загинало дете и дека е потребно да плати за да не оди во затвор.
Како што е пријавено, таа излегла на улицата и ги дала парите на машко лице, но подоцна сфатила дека нејзината внука не учествувала во сообраќајна несреќа, односно дека е измамена.
Се преземаат мерки за расчистување на случајот, соопштува СВР Скопје.
The post Нова измама со лажна сообраќајка – скопјанка (82) останала без 170.000 денари appeared first on NetPress.
© Vecer.mk, правата за текстот се на редакцијата
