Метеорологот Славчо Попоски објави дека ни претстои мини лето.
„ Иако календарски есента веќе ни започна, сепак на убавите денови им нема крај. По краткотрајната промена на времето која се случи, како и по невремето во западните и во југозападните предели од нашата држава, ни следува ново “Мини лето”.
Во следните денови ќе имаме малку облаци, малку сонце, но и ветер од североисточен правец кој повремено ќе засилува на интензитет.
И покрај релативно свежите утра, преку ден ќе биде пријатно топло со максимални дневни температури кој ќе се искачуваат во интервалот од 22 до 29 степени, а во најтоплите југоисточни предели тие повремено ќе достигнуваат и до 30 степени.
Врнежи во следните денови нема да има, иако повремено и локално има услови за сосема слаб дожд.
И во Скопје и околината времето ќе биде слично, пријатно топло со ветер од североисточен правец.
Уживајте во мини летото во следниот период.
© Vecer.mk, правата за текстот се на редакцијата
