Градоначалникот на општина Ѓорче Петров, Александар Наумоски, објави дека пожарот во село Кучково е целосно изгаснат.
-Целосно е изгаснат пожарот кој попладнево избувна во с.Кучково. Благодарност на брзата интервенција на пожарната, огнената стихија брзо беше ставена под контрола. За среќа, нема повредени, ниту предизвикана материјална штета. Благодарност до пожарникарите за навремената реакција, фирмите кои помогнаа, локалното население и нивната пожртвуваност и вработените во општинските служби кои на лице-место интервенираа, вели тој.
Наумоски додаде дека зачестеноста на пожарите на топлото време е евидентна и апелираше да се почитува забраната за движење во шумските предели и да бидеме сите исклучително внимателни.
