Цените на градежните материјали имаат многу мало намалување објави Државниот завод за статистика, но од друга страна има раст на трошоците за работниците во градежништвото. Иако во Македонија платите се ниски, сепак, градежниот сектор не покажува знаци на стагнација, ниту пак знаци за намалување на цените на недвижностите.

- Во второто тримесечје од 2024 година, во споредба со првото тримесечје од 2024 година, трошоците во градежништвото за нови објекти за индивидуално домување се пониски за 0,1 отсто, трошоците за материјали за 0,7 проценти, а трошоците за вработените се повисоки за 1,2 отсто – наведуваат статистичарите, но од друга страна многу поголеми се разликите ако се прави споредба на годишно ниво.

Имено, во споредба со вториот квартал 2023 година трошоците за материјали за 11,8 проценти, но трошоците за вработените се повисоки за 5,8 отсто.

Последните податоци на Народната банка пак покажаа дека цените на недвижностите во Скопје се зголемиле за високи 11,5 проценти во вториот квартал од годинава.

Цените на недвижностите во Македонија по почетокот на пандемијата, но особено по почетокот на војната во Украина значително пораснаа, што се должеше и на растот на цените на градежните материјали, но и на поскапувањето на работата рака.

По интензивниот период на поскапување на недвижностите, кој започна во четвртиот квартал од 2021 година, но продолжи и низ 2022 одина, лани беа забележани први знаци на стагнација на цените на недвижностите.

Владата ќе обезбеди средства за водоводи и канализации во повеќе општини, изградба на колекторот Трпејца, помош за земјоделците

(ФОТО) Со 34,5 милиони евра ќе се гради кампус на Универзитетот „Мајка Тереза“

Имено во првиот квартал од годинава растот на цените беше само 4,7 отсто, додека квартал претходно, или четвртиот кваратал од 2023 година растот на цените беше 6,9 отсто.

Претходните квартали беа забележани повисоки стапки на раст на цените на недвижнините, при што врвот беше достигнат во третиот квартал од 2023 година кога поскапувањата достигнаа 21,3 отсто.

Градежниците кои ги контактиравме велат дека нема простор за намалување на цените на недвижнините, нагласувајќи дека ниту цените на градежните материјали, ниту пак останатите трошоци не оставаат простор за поевтинување.

Сега цените на недвижнините во главниот град се движат од 1.300 евра нагоре за метар квадратен, а веќе имаме локации или градби во централното јадро кои се продаваат по цени кои надминуваат 2.000 илјади евра, но и такви за кои се бара 3.000 евра.

Цените на стан во Скопје пораснаа и ги стасаа цените за квадрат во Белград или Солун и ниту една калкулација не може да докаже дека цената за градење е еднаква на цените во тие градови, ниту по основ на цена за плац, ниту по плати за работниците, ниту пак кавалитетот на скопските станови е на ниво на становите во Белград и Солун... а ни бизнис средината како ни платите во Скопје и Белград се разликуваат.

Кој тогаш воопшто е купувач на скапите станови од 2000 или 3000 евра за квадрат? Ако падне побарувачката секако ќе паднат и цените на становите. Само во Скопје Центар над 10.000 станови се празни, а се купуваат и понатаму нови станови? За кого, и кој е интересот да се плати толку висока цена за становите?

Градежниците се претераа. ЦЕНИТЕ НА СТАН ВО СКОПЈЕ 2-3.000 ЕВРА! Вредат ли за тие пари?