Патријархот Московски и на цела Русија, Кирил, им испрати велигденска честитка на поглаварите на помесните православни цркви, меѓу кои и на г.г. Стефан од Македонската православна црква - Охридска архиепископија, именувајќи го како „Неговото Блаженство Архиепископ Охридски и Македонски“.
„Срдечно ви го честитам празникот Господов Велигден и ви се обраќам со животопотврдувачките зборови на древната црковна честитка:
ХРИСТОС ВОСКРЕСЕ!
Сега за нас, верниците, дојде долг, вечен и неизбледен светол ден – таинствениот Велигден (Св. Јован Златоуст. Слово 6 за Светиот Велигден). Прославувајќи го воскресението од гробот на Господ Исус, првородениот од мртвите (Кол. 1:18), кој го помири светот со Себе (2. Кор. 5:19), Му оддаваме пофалба и благодарност за можноста да биде наследник на Царството Небесно.
Овој празник над празниците ги исполнува нашите срца со неискажлива радост, нè зајакнува во арената на земното скитање и нè поттикнува со непоколеблива сила и смелост да им ја објавиме на блиските и на далечните вечната утеха и добра надеж во благодатта (2. Сол. 2:16).
Воскреснатиот Христос вам и на целото ваше богољубиво стадо нека ви подари мир и долг живот, испраќајќи добро здравје и Својата обилна помош во вашите исконски подвизи.
Со братска љубов во Воскреснатиот Господ“, се вели во честитката на патријархот Кирил до архиепископот Стефан.
© Vecer.mk, правата за текстот се на редакцијата
