Какви се злоупотреби
имало во здравствениот систем и зошто е уништен. Парите се трошеле за трошоци
неповрзани со здравството, односно раководни лица трошеле еден куп пати за себе.
Такви примери има многу, а вчера новиот директор на ФЗО, Сашо Клековски сподели
неколку.

„Директор
користел патни трошоци од речиси 500 илјади денари во 10 месеци за што нема
никаков документ. Друг директор си ја зголемил платата за 400 илјади денари за
една година, за што нема никаква законска основа. Во Центар за јавно здравје се
исплаќале плати врз основа на колективен договор што не постои, значи се давале
измислени плати“, вели Клековски за Сител.

Тој потенцира
дека тешко е да се утврди колкава е вкупната штета од овие злоупотреби, бидејќи
се прават проценки во различни сегменти.

- Во болница
надвор од Скопје, во првиот месец по промената на директорот, само по основ на
прекувремена работа имаме скратени трошоци за 30 илјади евра за еден месец“,
вели директорот на Фондот за здравсто, нагласи Клековски.

Додава дека злоупотреби
на плати и надоместоци во здравствените установи биле констатирани со години
наназад, но никој не реагирал.

И сега со
вонредните контроли утврдивме такви состојби, рече тој.

Според него, во
моментот се фокусираат на проверка на јавните здравствени установи со најголеми
долгови, со цел, како што вели, да ги утврдат причините како и зошто настанале
тие долгови.

Посочи дека
долговите во клиниките на Клиничкиот центар во Скопје не се секаде настанати
поради злоупотреби.

„На пример,
Онкологија нема планирано соодветна терапија, зашто со буџетот немало план за
иновативни лекови и се задолжувале. На различни места има различни примери“, вели
директорот.

Во план е, како
што рече, долгот од пет милијарди на јавните здравствени установи да се намали,
за да можат следниот период да се фокусираат на подобрување на здравствените
услуги.

На прашањето дали
ќе има пари за онколошка терапија, Клековски е дециден и вели дека терапија
мора да има за сите.

„Целата програма
на иновативни лекови на Онкологија мора да има и ќе ја има. Една од најкрупните
интервенции ќе биде на Онкологија. И не само на Онкологија“, рече тој.

За лекувањата во
странство рече дека Фондот покрива околу 250 до 300 случаи годишно што се
лекуваат во странство, вклучувајќи ги и приватните болници кај нас. Најчесто
место каде што се упатуваат на лекување е Турција.

„За тоа
одвојуваме околу 5,5 милиони евра годишно. Обично граѓаните бараат да одат на
лекување во странство бидејќи ја имаат изгубено довербата во нашиот здравствен
систем. И таа доверба мора да се врати. Многу лесто се случува дел од тие
лекувања да се без медицински докази. Најчесто, се работи за лекувања со
матични клетки, за кои сѐ уште нема доволно научни докази дека помагаат,
Конзилијарните комисии не можат да предложат лекување ако нема медицински
докази дека таа терапија помага. Апелирам пациентите да се обратат во Фондот,
да се обратат да помогнеме да ја поминат процедурата и доколку ги исполнуваат
законските услови, да им се одобри лекувањето“, вели Клековски.

„Директор на клиника користел патни трошоци од 500 ИЛЈАДИ ДЕНАРИ, друг си ја зголемил ПЛАТАТА ЗА 400 ИЛЈАДИ ДЕНАРИ“