Голема неприлагодена брзина е причината за трагедијата која вчера се случи на патот Кичево-Гостивар, а во која загинаа 3 лица. Ова го соопшти министерот за внатрешни работи, Панче Тошковски.
– Три лица го загубија животот. Според првичните информации кои ги добив, станува збор за огромна неприлагодена брзина од страна на еден на учесниците во сообраќајот, кој, за жал, е починат. Бројот на сообраќајни жртви во оваа година, во првото тромесечје, е сличен како и бројот на жртви лани. Со тоа што можам да кажам дека бројките се катастрофални во споредба со европските стандарди – рече министерот за внатрешни работи, Панче Тошковски.
– Да ги почитуваат сообраќајните правила, односно дозволената брзина, бидејќи експертите тврдат дека кога се управува возило со брзина над 70 км/час, а има челни удари како вчера, можноста за преживување е нула – додаде тој.
© Vecer.mk, правата за текстот се на редакцијата
