Владата предводена од ВМРО-ДПМНЕ континуирано работи на привлекување на нови странски инвестиции. Инвестицискиот процес продолжува и со камен темелникот на „Чагатај кабло“, соопшти ВМРО-ДПМНЕ.
„Македонија станува земја на можности каде инвеститорите имаат доверба и партнер во владата.
Во Технолошко индустриската развојна зона Скопје започна изградбата на нова фабрика на турската компанија „Чагатај кабло“. Инвестицијата е вредна 6 милиони евра, објектот е со површина од 10 илјади метри квадратни и се планираат 200 нови вработувања.
Чагатај Кабло произведува жици и кабли за автомобилската индустрија и снабдува водечки производители на автобуси, трактори, камиони, градежни машини.
Инвестиции се доказ дека економијата се стабилизира и расте. Инвестициите го зајакнуваат економскиот раст.
Македонија станува атрактивна дестинација за домашни и странски инвеститори. Новите инвестиции создаваат нови работни и го поттикнуваат технолошкиот напредок и извозот“, потенцираат од ВМРО-ДПМНЕ.
Владата предводена од ВМРО-ДПМНЕ продолжува да работи во насока на поддршка на бизнисот и подобрување на деловната клима со цел државата да се позиционира како конкурентна економија во регионот, додаваат од партијата.
© Vecer.mk, правата за текстот се на редакцијата
