Лицето кое во соопштението на Министерството за внатрешни работи е идентификувано со иницијали Ш.А. и на возраст од 54 години, кое вчера со камен го скрши стаклото на влезната врата на бугарската амбасада во Скопје, неофицијално, не е од македонска националност.
Тоа, сепак, не ја ублажи жестоката реакција од бугарска страна, од кадешто настанот се означува како „резултат на целно создаван наратив“, според амбасадорот Желјаско Радуков, а според Министерството за надворешни работи на Бугарија е „резултат на систематскиот недостиг од реакција на надлежните институции“.
Шефот на македонската дипломатија Тимчо Муцунски го осуди инцидентот кој, според него е изолиран настан, без огромна материјална штета.
© Vecer.mk, правата за текстот се на редакцијата
