Основното јавно обвинителство Скопје поведе постапка против едно лице за продолжено кривично дело Затајување.
„Осомничениот 35-годишник ја злоупотребил својата службена положба – менаџер на продавница во трговски центар во Чаир, како и дадената доверба и пристапот до касите и сефот, па во периодот од 18.12.2025 година до 04.2.2026 година, во повеќе наврати одземал парични средства што му биле доверени. Парите од дневниот промет не ги депонирал во сеф, ниту ги предавал на овластено лице за собирање и транспорт на прометот. На овој начин осомничениот незаконски присвоил 2.783.867 денари (45.000 евра) и ја оштетил компанијата во која работел“, соопшти Јавното обвинителство.
Откако бил откриен тој веднаш бил отстранет од работното место, а јавниот обвинител предложи и дополнителни мерки на претпазливост во текот на постапката – забрана за напуштање на живеалиште, обврска да се јавува во судот и привремено одземање на пасошот.
„Притоа, Обвинителството го имаше предвид ризикот од бегство, како и фактот дека осомничениот сè уште ги крие и не ги враќа противправно одземените пари на правното лице“, се вели во соопштението на ЈО.
© Vecer.mk, правата за текстот се на редакцијата
