Многумина го користат продолжениов викенд за патување во Грција и се соочуваат со проблем: кој граничен премин во моментот е отворен за премин? Причината е штрајк на грчките земјоделци и затворање на најголемиот граничен премин кај Гевгелија.
Блокирањето е од време на време, и никој не знае што че се случи: кога ќе тргне е отворено, додека стаса - го затвориле, и така во недоглед.
Само преминот Дојран кон Грција е , засега, постојано отворен за сообраќај.
Преминот Меџитлија денес е затворен за товарни возила и автобуси од 12:00 часот, додека преминот Богородица е во прекин од 11:00 часот поради штрајк на грчките земјоделци.
Од Авто-мото сојузот на Македонија известуваат дека времето на чекање на преминот Табановце кон Србија е околу 40 минути.
Возачите се препорачува да ги следат најновите информации и да го планираат патувањето однапред.
© Vecer.mk, правата за текстот се на редакцијата
