Од година во година се засилува бугарската пропаганда кај Македонците кои живеат во Албанија, а Бугарија преку тамошните власти се обидува да создаде Бугари.
Со поддршка од албански политичари, Бугарија нуди се повеќе бугарски пасоши во деловите населени со македонско малцинство. В
Претставникот на бугарското малцинство во Комитетот за малцинства во Албанија, Милена Селими на својот Фејсбук профил се пофали дека била на средба со жителите од селото Големо Острени, на која покрај другото се говорело и за олеснување на процедурите за обезбедување бугарски пасоши.
На средбата со македонското малцинство присуствувал и секретарот на Советот на Општината Булќиза, Фитим Бала.
Дел од Македонците во Албанија поради лошата економска состојба се принудени да вадат бугарски пасоши а официјалната политика во Софија тоа вешто го користи.
За ова неопходна е реакција не само од македонските претставници во Албанија, туку и од македонските власти во Македонија.
© Vecer.mk, правата за текстот се на редакцијата
