Според прогнозата на Управата за хидрометеоролошки работи, денеска времето ќе биде променливо облачно со повремени локални врнежи од дожд.
На одделни места се очекува појава на нестабилност, проследена со пороен дожд, грмежи и засилен ветер. Ќе дува слаб до умерен ветер, а во западните делови од земјата повремено ќе биде и засилен од западен правец, со брзина што локално може да надмине 60 километри на час.
Во Скопје се очекува претежно облачно време со повремени врнежи од дожд. Во делови од котлината ќе има услови за развој на нестабилна облачност, која може да донесе пороен дожд и појава на грмежи.
Метеоролозите препорачуваат внимателност при движење на отворено, особено во подрачјата каде што се очекуваат поинтензивни врнежи и засилен ветер.
© Vecer.mk, правата за текстот се на редакцијата
