Градоначалникот на општина Кисела Вода, Орце Ѓорѓиевски вечерва во дебатниот магазин „Click Plus“ на ТВ21 истакна дека треба да има една институција која ќе има одговорност.
Според него, во овој случај има 10 институции кои треба да дадат мислење.
„Не е наша надлежност, но ние не можеме да оставиме да се случи нешто во перспектива и она што ќе се констатира од нашите инспектори да не го сугерираме до оние кои што се одговорни. Ние имаме прекомплициран, прегломазен систем на издавање на било каков тип на одобрение започнувајќи од одобрение за градба, урбана опрема, еве како случајот што е за кабаре или ресторан и.т.н.“, вели Ѓорѓиевски.
Според него, иако тие силно се залагаат за децентрализација на прописите, сепак овде треба да има само една институција која ќе има одговорност.
© Vecer.mk, правата за текстот се на редакцијата
