Вицепремиерот Александар Николоски денеска пред медиумите информираше дека од денес двата канали на радарскиот систем на скопскиот аеродром се во функција. Претходно медиуми информираа дека од неделата е расипан единствениот исправен радар во Контролата на летање во Македонската навигација (М-НАВ).
- Од утрово радарот е ставен во функција и проблемот е решен, така што од утрово имаме целосно функционален радар на скопскиот аеродром. Проблемот е решен во рекордно време од само три дена. Проблемот е решен со заедничка координирана работа на Владата , како исоа постојана работа на службите на М-НАВ, информира министерот за транспорт.
Николоски за решението им се заблагодари и на контролата на летање на Бугарија и на владата на Италија
- Сите безбедносни протоколи беа испочитувани, еве гледате - поминаа три дена и најнормално полетуваа и слетуваа авиони од сите авиокомпании. Ниту една авиокомпанија не откажа ниту еден лет, дополни Николоски.
Министерот рече дека радарскиот систем е стар 27 години и за истиот не се произведуваат делови веќе седум години.
© Vecer.mk, правата за текстот се на редакцијата
