Демократска обнова на Македонија (ДОМ) објави дека излегува од досегашната коалиција со СДСМ и во иднина ќе делува независно на македонската политичка сцена. Стратегиската определба на партијата е создавање на нова "Зелена коалиција" во партнерство со граѓански организации.
Промените ги донесе Централниот одбор на ДОМ, со цел да се постави нова програмска насока ориентирана кон развој на еколошки, фер и инклузивни политики. "Кога процесите се затворени, потребно е самостојно и доследно политичко дејствување", наведуваат од партијата.
Во својата изјава, партијата изразува критика кон актуелниот политички амбиент и потенцира дека коалициите треба да се создаваат врз основа на вредности, а не само на партиски интереси. За претстојните локални избори, ДОМ најавува отсуство на формали коалиции со политички партии и соработка исклучиво со граѓански иницијативи и локални заедници.
© Vecer.mk, правата за текстот се на редакцијата
