Премиерот Христијан Мицкоски, кој ја предводи владината делегација во Лондон на Самитот за Западен Балкан – Берлински процес, попладневно соопшти дека потпишал Меморандум за разбирање со американско-британската компанија „Бурсток“.
-Денеска потпишавме меморандум за разбирање со Американско-британската компанија Бурсток којашто ќе инвестира во наменската воена индустрија во Македонија до 150 милиони долари, ќе имаме нови високоплатени 1.000 работни места и ова е само почеток, информираше премиерот Христијан Мицкоски на својот фејсбук профил.
Очекуваме во воената наменска индустрија инвестициите да достигнат повеќе од 1 милијарда долари.
Бурсток има долгогодишно искуство во областа на одбраната, дипломатијата, безбедноста и разузнавањето, обуката, консултантски услуги и управување со проекти, како и специјализирана во поморскиот и воздухопловниот комерцијален сектор, посочува премиерот.
Со овој чекор, Македонија очекува значајно зајакнување на својот индустриски капацитет и отворање на стотици високоплатени работни позиции за домашни стручни кадри, како и приближување кон стратешки инвестициски проекти во одбранбената индустрија.
© Vecer.mk, правата за текстот се на редакцијата
