Дваесет и едногодишен жител на Неготино е осомничен дека снимал воени активности на армискиот полигон Криволак и ги објавил на социјална мрежа.
Од СВР Велес информираа дека со лицето бил извршен службен разговор откако се појавиле сомнежи дека неовластено фотографирал и снимал возила во конвој на Армија на Република Северна Македонија.
Според полицијата, снимките биле јавно објавени на социјална платформа, со што, како што наведуваат, можела да се наруши безбедноста и тајноста на активностите што ги реализира Армијата.
За случајот бил известен јавен обвинител, а по целосно документирање на настанот ќе биде поднесена соодветна пријава против осомничениот.
© Vecer.mk, правата за текстот се на редакцијата
