Министерството за здравство презеде иницијатива да ја координира помошта за жителите на Кочани, откако градот беше погоден од тешка трагедија. Според најновите информации, оформена е посебна работна група во која се вклучени експерти, претставници на граѓанскиот сектор, здравствени работници и локални институции.
Меѓу првите мерки е проширување на капацитетите на кочанската болница. Во тек е реновирање на посебна просторија во подрум со цел да се овозможи прием и третман на пациентите, а се очекува таа да биде подготвена во следните неколку недели. Дополнително, се планира отворање на современ младински центар што ќе им биде на располагање на сите жители на Кочани како место за развој, поддршка и социјални активности.
Ние играме важна улога и во поддршката и во создавањето услови за подобар социјален живот. Центарот за млади ќе биде искористен од сите граѓани на Кочани, создавајќи инфраструктура за нивните потреби.
За да се избегнат можни злоупотреби, Министерството ќе ја презема целосната координација на донациите за семејствата што ги загубија најблиските и за повредените од трагичниот настан. Најавени се и дополнителни вработувања како во кочанската болница, така и во други здравствени институции низ државата.
Иако приоритет ни е помошта за Кочани, грижата за здравјето на граѓаните останува фокус и во останатите делови од државата. Ќе преземеме итни активности за да обезбедиме сите потребни услуги низ сите здравствени установи.
Во трагедијата што се случи во дискотеката „Пулс“, животот го загубија 62 лица, а околу 200 беа повредени. Четириесет и петмина се уште се лекуваат во болницата во Кочани, седум се згрижени во болницата во Штип, а други добиваат специјализирана нега во Скопје. Од утре, дел од повредените ќе започнат рехабилитација во Пониква.
© Vecer.mk, правата за текстот се на редакцијата
