Пролетното време на кое сите му се израдуваа набргу завршува, помалку сонце а повеќе облаци, па и дожд со пад на температурите. Следи пролетна пауза.
Територијата на Македонија викендов (14 и 15 март) ќе биде под влијание на висински циклонски систем, кој ќе донесе променливо време со локални врнежи од дожд и услови за ретки грмежи.
Утрото и претпладнето ќе бидат претежно стабилни и сончеви, но во попладневните часови се очекува зголемена облачност и развој на конвективни облаци, што на повеќе места ќе донесе локален дожд, повремени грмежи и засилување на ветерот.
На високите планини, над 1900 до 2000 метри надморска височина, ќе има услови за повремен снег.
Температури:
- Утринските температури во повеќе делови од земјата ќе се спуштаат околу нулата или малку под нулата.
- Дневните температури ќе се движат од 12 до 18 степени.
Во Скопје и околината исто така се очекува сончево утро, а попладне локален дожд, ретки грмежи и засилен ветер. Утринската температура ќе се спушти околу 0 степени, додека дневната ќе достигне околу 17-18 степени.
© Vecer.mk, правата за текстот се на редакцијата
