Здравствениот систем во иднина ќе добие нова функција во борбата против насилството, која ќе им овозможи на лекарите официјално да евидентираат случаи на пациенти со повреди од насилство, независно од тоа дали жртвите одлучиле самите да го пријават инцидентот.
Според министерто за здравство, Азир Алиу, ваквата евиденција ќе овозможи навремено препознавање на жртвите и поефикасно следење на случаите, особено кога станува збор за рецидивизам, односно ситуации каде насилството се повторува во континуитет.
Тој рече дека се координираат со Светската здравствена организација, која, нагласи, јасно ги дефинира насоките како ќе се третираат пациенти што претрпеле насилство.
- Идејата е да создадеме протокол што ќе има „уан стоп“ (one stop) центар, кој ќе биде дел од болниците во кои нема да биде само лекарот, туку ќе има и психолог и правник, кој од законски аспект ќе ги третира процесите. Така што, ова се протоколите, кои се стандардизирани, ние ќе ги земеме и ќе ги спроведеме во здравствениот систем, додаде министерот за здравство.
© Vecer.mk, правата за текстот се на редакцијата
