„По мојот настап – наместо одговори, добиваме оставка, а можеби и оставки, ќе видиме. Не како одговорност, туку како бегство од одговорност. Кога аргументите недостасуваат – тајмингот станува најсилно оружје“, напиша Кадриу.
Таа посочи дека би верувала во принципиелност, ако ваквиот потег бил направен во периодот на предавање на незаконски прислушкуваните материјали.
„Да го направеше овој потег при примопредавање на незаконито прислушкуваните материјали кога државата ја уриваа од темел, ќе ѝ поверував дека има принципи. Кога вистината почнува да боли, оставката станува најлесен одговор“, додаде Кадриу.
Нејзината реакција доаѓа по претходно јавно гостување во „Вечерното шоу“ на Алфа во кое тврдеше дека СДСМ имале влијание врз работата на поранешното СЈО, по што дел од обвинителите најавија тужби.
© Vecer.mk, правата за текстот се на редакцијата
