Министерот за одбрана Владо Мисајловски одговараше на пратенички прашања во Собранието. Тој, најави почеток на преговори за нов колективен договор и зголемување на платите во Армијата, нагласувајќи дека Владата веќе ги сервисира обврските наследени од минатото.
– Од понеделник ќе започнеме со нов колективен договор, од следна година ќе се зголемат платите од Армијата, ќе се зголеми бодот и од наредните години со буџетот ќе има процентуално зголемување за Армијата. Од понеделник ќе седнеме заедно со сите синдикати, ќе разговараме за колективен договор изјави Мисајловски во одговор на пратеничко прашање од пратеничката Славјанка Петровска.
„Третото прашање беше за платите ако не се лажам. Да видиме колку има разлика кога вие бевте министерка и колку добиваа сите вработени, еве вие тоа проверете го! И, колку земаат сега и вработение и сите во Армијата. Еве ве замолувам проверете, да видиме која е разликата кога вие сте биле министерка и која е разликата сега. Направете споредба сама. Не ви се допадна што ви кажав дека од сладната година ќе се зголемува платата, па поздравете го! Се плаќа по колективен се?!“, заклучи министерот Мисајловски.
Тој одговрарајќи на пратеничкото прашање ја навде заслугата на кого се однесува.
‒ Тоа не е моја заслуга, тоа е заслуга на сите овие луѓе тука, на сите вас ако изгласате зголемен Буџет, оваа заслуга е на Премиерот бидејќи одвојува од други институции за во НАТО да покажеме над 2 % , потенцира Мисајловски и додаде:
„Постојано вие велите некое планирање, асполутно не знаете, вие за да ги планирате сите овие наредни години треба да имате простор во Буџетот за различни намени. Сега кажувате дека не бил заглавен Буџетот. Во извори направивте договор, дали е така, кога се променуваше планот, упати парашања министерот Мисајловски.
‒ Еве од тука ви кажувам дека од следната година Армијата ќе има поголеми плати, се надевам сте задоволни, потенцираше министерот за одбрана Владо Мисајловски.
© Vecer.mk, правата за текстот се на редакцијата
