Делегација од Министерството за одбрана предводена од министерот Владо Мисајловски денеска и утре ќе престојува во Турција, каде по 17-ти пат се одржува еден од најголемите саеми за воена индустрија IDEF 25.
Министерот Мисајловски ќе се сретне со својот колега, министерот за национална одбрана Јашар Ѓулер, со претседателот на Агенцијата за одбранбена индустрија на Турција Халук Ѓорѓун, а се очекува и средба со други високи лица од одбранбениот сектор.
На саемот IDEF 25, во придружба на министерот Мисајловски ќе биде и началникот на Генералштабот на Армијата генерал-мајор Сашко Лафчиски.
На саемот македонската делегација ќе се запознае со најновите технологии во областа на воената индустрија и ќе оствари контакт со голем број на компании од оваа област, што е исклучително значајно имајќи го предвид процесот на модернизација и опремување на Армијата и исполнувањето на НАТО Целите на способности.
© Vecer.mk, правата за текстот се на редакцијата
