Премиерот Христијан Мицкоски денеска присуствува на Самитот „Нашиот пат кон ЕУ“, кој се одржува во Тирана, Албанија. Како што напиша премиерот, овој собир претставува значајна прилика за продлабочување на дијалогот и зајакнување на заедничките напори на земјите од Западен Балкан во процесот на приближување кон Европската Унија.
„Нашата земја останува решително ориентирана кон европските интеграции и регионалната соработка, кои се клучни столбови на нашата заедничка визија за просперитетен Западен Балкан“, порача Мицкоски.
Самитот во Тирана се смета за платформа за размена на искуства, јакнење на соработката и координирање на заеднички политики на патот кон ЕУ, со цел унапредување на економската, политичката и безбедносната стабилност во регионот.
© Vecer.mk, правата за текстот се на редакцијата
