Штипјани денеска ќе им оддадат почит на трагично загинатите сограѓани во пожарот во дискотеката во Кочани.
Општина Штип со должна почит и во спомен на загинатите Александар Коларов, Филип Стевановски, Александар Ефремов, Филип Ивановски, Дамјан Танески организира Комеморативна седница.
-Како чин на споделување на тагата со најблиските на жртвите, комеморацијата ќе се одржи во големата сала на Домот на културата – НУЦК „Ацо Шопов“, во петок 21 март 2025 година, со почеток во 13:00 часот.
Нашиот град никогаш нема да биде како порано. Овие невини млади животи што згаснаа прерано, ни даваат патоказ како треба да живееме и правилно да ја градиме нашата иднина.Нивните лица, дела и енергија да ги запаметиме и засекогаш да останат вмрежани во нашите мисли, велат од Општината.
Баџанаците Александар и Филип од ДНК, фотографот на ДНК, Ефремов и младите Филип и Дамјан беа погребани вчера.
© Vecer.mk, правата за текстот се на редакцијата
