Фракцијата на АА, предводена од Фетаи, наводно одржала „Основачкото собрание“, со концепт за „Нова алијанса“, а второто крило од АА што е дел од власта, претставено од министерот Алиу, пратеничката Мимоза Муса и Илир Демири, не го признаваат овој собир
Потресите што веќе ги предизвика трансформацијата на коалицијата Вреди во партија можно е да му создадат главоболка на премиерот Христијан Мицкоски при најавената реконструкција на Владата напролет.
Во две од четирите партии кои се дел од коалицијата Вреди – Беса и фракцијата на Алијанса за Албанците, распуштањето на партиските тела предизвика поделби и ги раскара сопартијците кои моментно се на функција во извршната и во локалната власт.
Дали и колку потресите кај владиниот партнер Вреди ќе се одразат врз составот на Владата, ќе биде појасно откако Мицкоски ќе пресече кои од министрите ќе се збогуваат од владиниот кабинет.
© Vecer.mk, правата за текстот се на редакцијата
