Министерот за јавна администрација, Горан Минчев, оствари средба со Армен Григоријан, Постојан претставник на УНДП, и со претставници од Одделот за инклузивен просперитет.
Средбата беше посветена на тековниот статус и напредок на платформата за управување со учење (LMS), како и на функциите кои ги нуди системот.
На состанокот, беа презентирани предностите кои беа остварени преку ангажманот на УНДП во развојот на платформата, а се истакна и подготвеноста за континуирана поддршка на Министерството за понатамошен развој и унапредување на системот.
Целта е да се обезбеди долгорочен и ефикасен систем за обука на административните службеници и да се придонесе за поголема инклузивност и професионален развој во јавната администрација.
Министерот Минчев изрази благодарност за соработката со УНДП и нагласи дека Министерството за јавна администрација продолжува да работи на модернизација и унапредување на капацитетите на јавните институции, особено во делот на образованието и обуката на државните службеници.
Средбата беше значајна за дефинирање на следните чекори и новите можности за подобрување на ефективноста на системот за учење во јавниот сектор.
© Vecer.mk, правата за текстот се на редакцијата
