Поранешниот премиер, претседател на државата и лидер на СДСМ, Бранко Црвенковски, вчера попладне е фотографиран во скопски ресторан во друштво на министерот за јавна администрација, Горан Минчев.
Минчев, кој сега е висок функционер во владејачката ЗНАМ, беше генерален секретар на СДСМ во времето кога Црвенковски ја предводеше партијата.
Заедно со нив, на фотографијата е и Зоран Попов, актуелниот амбасадор во САД.
Црвенковски со години беше надвор од политиката и е далеку од очите на јавноста, но периодов неколкупати беше во друштво на актуелни функционери и политичари.
Црвенковски прво беше фотографиран во Охрид на маса во ресторан со староновиот градоначалник Кирил Пецаков од ВМРО-ДПМНЕ, а ден по изборите се појави и фотографија од поранешниот лидер на СДСМ со активисти на партијата во Кичево.
© Vecer.mk, правата за текстот се на редакцијата
