Штом владата и СДС упорно молчат за 40 милиони евра, значи дека се крие нешто големо зад овој скандал. Почитувани, 40 милиони евра во три години за лиценци, толкав договор направи владата со фирма која што претходно годишно заработувала по речиси половина милион, изјави Наум Стоилковски портпарол на ВМРО-ДПМНЕ.
Тој прашува дали зад златното доба за Аитоникс не лежи фактот што и Димитар Ковачевски и првиот човек на Аитоникс, Марко Андонов (претседател на одборот на директори) се колеги од приватен универзитет во Скопје. Ковачевски, професор, шеф на катедра за маркетинг, а Андонов декан, професор за корпоративно право.
Интересен е фактот дека првиот рекорден тендер за лиценци од 15 милиони евра, Аитоникс ги добива во 2020 година, во периодот кога новата ѕвезда на СДС, Ковачевски влегува во влада. Иако тендерот првично е распишан за почеток на годината, тој е народски кажано е „бутнат" па направен е нов тендер, со сменети и намалени услови, и се завршува во очи, неколку недели пред влегувањето на Ковачевски во влада. И за прв пат се прави договор за три години, за рекордни 15 милиони евра, рече Стоилковски.
Според него по само три години, Ковачевски е премиер, а Аитоникс на колегата професор од иститот факултет, сега зема не 15, туку 25 милиони евра. Рекорд, па рекорд. За иста услуга- лиценци за програми за администрацијата.
- Зошто во 2020 кога Ковачевски е заменик министер, услугите чинат 15, а сега дури 25 милиони евра?Што е тоа зголемено за цели 10 милиони евра разлика,освен што Ковачевски бил заменик министер, а сега премиер?Како може генерален секретар на влада да потпишува и спроведува договор со фирма на колега на премиерот? Македонија тоне во корупција, тоне во криминал, сиромаштија, нема лекови, ниту учебници, ама се даваат 40 милиони евра за лиценци. Само избори се спасот, изјави Стоилковски.
© Vecer.mk, правата за текстот се на редакцијата
