Десетина иљади Македонци патуваат за Велигден во Грција, но заради сите промени во начинот на влез во ЕУ за кои Грција се уште тренира, работа на сообраќајниците околу Солун и дополнето со традиционалните гужви на граница и по патот планот за Велигден во Грција може да го платите со потрошени нерви.
Едни тврдат дека чекале два часа на влез и излез, а други дека поминале за 5 минути. Какви се сведоштвата на граѓаните од Рeгионот кои минатиот викенд биле во Грција?
Пред нас е празникот Велигден – додека едни планираат да останат дома и празникот да го поминат со најблиските, други веќе ги пакуваат куферите за слободните денови да ги поминат покрај море.
Но, воведувањето на новиот европски систем за влез, излез и патни одобренија ЕЕС, како што сведочат дел од граѓаните што минатиот викенд беа во Грција, во одредени делови од денот може да предизвика огромни гужви и да го одолговлече чекањето на граничните премини.
Така, една жена која планира најверојатно во следните денови да се упати кон Грција, на Фејсбук групата Grčka Info, постави прашање каква е состојбата на граничниот премин Евзони и колку време се чека за влез во Грција од Македонија.
Во одговорите, сведоштвата се најразлични. Едни тврдат дека состојбата е хаотична, односно со скенирањето на влез и на излез од земјата според новите правила се создаваат огромни колони со автомобили, други тврдат дека поминале само за 5 минути.
„Денес поминавме, чекавме 5 минути, скенирањето оди многу брзо, буквално по 30 секунди од човек“ – стои во еден од коментарите.
Инаку, на истата група е објавено и едно видео, направено во саботата (04.04) на кое се гледаат огромни колони возила, кои чекале и по два часа на граничниот премин.
© Vecer.mk, правата за текстот се на редакцијата
