СВР Скопје најави дека утре од 18:00 часот ќе стапи во сила посебен сообраќаен режим во центарот на градот и во општините Ѓорче Петров и Аеродром поради прославата на Велигден.
Затворени за сообраќај ќе бидат главните потези околу Соборниот храм, вклучувајќи делови од булеварите „Партизански одреди“, „Св. Климент Охридски“ и улицата „Теодосиј Гологанов“.
Дополнително, ограничувања ќе има и во близина на црквите во Ѓорче Петров и Лисиче, а по потреба полицијата ќе затвора и други сообраќајници кои гравитираат околу верските објекти. Автобусите на ЈСП ќе возат по изменети траси преку „Франклин Рузвелт“ и булеварот „Илинден“. Од полицијата бараат максимално почитување на сообраќајната сигнализација и упатствата од службените лица за да се избегнат метежи.
© Vecer.mk, правата за текстот се на редакцијата
