Безживотно тело беше откриено денеска околу 14 часот во близина на Градскиот кеј, во водите на Охридското Езеро.
Оттаму, од Секторот за внатрешни работи во Охрид изјавија дека на телото не се забележани знаци на насилство.
– Засега не можеме да дадеме прецизни информации бидејќи телото ќе биде препратено на обдукција. Повеќе детали ќе бидат соопштени по завршувањето на постапката. Местото е обезбедено и истрагата е во тек за да се утврдат причините и околностите кои довеле до овој трагичен настан – изјави портпаролот Стефан Димоски.
Екипата на итна медицинска помош која пристигнала на лице место само ја констатирала смртта.
© Vecer.mk, правата за текстот се на редакцијата
